“နတ်မောက်”
မင်းဘာမှ ထပ်မလုပ်နဲ့
“ထိန်လင်း”ကို
ငါတို့ဆီပေးပြီးကတည်းက
ဆယ်ကမ္ဘာစာလောက်
တာဝန်ကျေပြီ ...။

“ခင်ကြည်”
ညည်းယောက်ျားကို
သေချာကြည့်ထား
သမီးကလေး ခမည်းပေးဖို့
ရွှေကလေး တစ်ပဲတစ်မူးတောင်
အမေအိုဆီ
လက်ဖြန့်တဲ့လူသား
နိုင်ငံခေါင်းဆောင် ငမွဲကို
ညည်းစိတ်ပျက်ချင်ပျက်
သမိုင်းကို စိတ်မပျက်စေနဲ့ ...။

“ဗိုလ်ထွန်းလှ”
ခင်ဗျားဆရာကို ကြည့်ပြောဦး
လမ်းဘေးမှာ
အကြော်ဝင်ဝင်စားနေတာ
နှောင်းလူတွေသိရင်
မျက်နှာမထားတတ်အောင်
ရှက်ရှာနေဦးမယ် ...။

“ဆရာတော် ဦးသောဘိတ”
ဒီတစ်ခါကြမ်းတမ်းမိလို့
ဒီကလေးကို မရိုက်ပါနဲ့
ရရင်ရ မရင်ချဆိုတာ
ကျွန်တော်တို့ အတွက်ပါဘုရား ...။

“ဦးဘ၀င်း”
ခင်ဗျားညီအငယ်ဆုံးလေးကို
ခွင့်လွှတ်ပေးပါ
သူပြောခိုင်းတဲ့
ရည်စားစကားပြောပေးလိုက်ပါ
စစ်သားကြီးအသည်းက
ဆေးရုံပေါ်မှာကျန်ခဲ့ရင်
ကျွန်တော်တို့ပဲ နစ်နာကြမှာ ...။

“ရဲဘော်ကျော်စိန်”
ခင်ဗျားကားမောင်းရင်
သတိကို ငယ်ထိပ်မှာကပ်ထား
ခင်ဗျားတင်မောင်းလာတာ
ကျွန်တော်တို့
အတိတ်ကြီး ပစ္စုပ်ပန်ကြီး အနာဂတ်ကြီး ...။

ဟေ့လူ
“ပလေဒီယံ ရုပ်ရှင်မန်နေဂျာ”
သူ့ဟာသူ
ငါးမူးတန်းကကြည့်ကြည့်
တစ်မတ်တန်းကကြည့်ကြည့်
သွားမတားပါနဲ့
ဘ၀မှာ အပန်းဖြေနည်း
လက်တစ်ဖက် မပြည့်ခဲ့တဲ့သူ
စိတ်လွတ်ကိုယ်လွတ် ခံစားပါစေဗျ ...။

“ဗိုလ်မှူးကြီး ဆူဇူကီး”
တွေ့တယ်မဟုတ်လား
ခင်ဗျားကို လက်ဆွဲနှုတ်ဆက်ရင်း
ခင်ဗျားကို တိုက်သင့်ရင်
တိုက်ရမှာပဲလို့ပြောခဲ့တဲ့
အညာသားလေးကို
အဲ့သတ္တိ အဲ့စကားကို
သေချာမှတ်ထား
နှောင်းမြန်မာတွေထဲမှာ
ပြောရဲတာ တစ်ကောင်မှမရှိဘူး ...။

“အမွိုင်”
မင်းမြေကို သူနင်းလိုက်တော့
တွန့်မသွားဘူးလား
အာရှတိုက်ရဲ့ ကြယ်တစ်လုံးကို
နှစ်လလောက် ထမ်းထားလိုက်ရတာ
အခုထိ ဂုဏ်ယူမဆုံးဘူးမဟုတ်လား ...။

“ဦးစော”
ခင်ဗျားကို မေ့ထားပါမယ်
ခွင့်လွှတ်လို့တော့ မရသေးဘူး
ဒါပေမယ့် ... မပူပါနဲ့
ဒီနေ့ခေတ်မှာလည်း ခင်ဗျားလို
လူတွေအများကြီးရယ် ...။

“မစ္စတာနေရူး”
ခင်ဗျားသူ့ကို
လောင်းကုတ်ကြီးပေးလိုက်တာ
ကျေးဇူးတင်တယ်ဗျာ
အခုကျွန်တော်တို့မှာ
ဒါကြီးခြုံပြီးနွေးနေရတာ ...။

“ပဲခူးဆောင်”
ခင်ဗျားအခန်းထဲက
ကြမ်းပိုးတွေ မောင်းမထုတ်လိုက်နဲ့
စာအုပ်ပုံကြီးကို
ရှင်းမပစ်လိုက်နဲ့
မခေါက်ရသေးတဲ့ အ၀တ်တွေ
တန်းပေါ်မချိတ်လိုက်နဲ့
သူဇိမ်နဲ့ မနေခဲ့လို့
ကျွန်တော်တို့ ဇိမ်နဲ့နေနေရတာ ...။

“ညိုညိုစိန်”
ညည်းတစ်သက်လုံး
မင်းသမီး လုပ်လာတာ
အနယ်နယ် အရပ်ရပ်
ရွှေဘိုညချမ်းကလို
သူရဲကောင်းမျိုး တွေ့ဖူးခဲ့လား
တွေ့ဖူးရဲ့လား
ကျုပ်မှာ ကာမပိုင်နဲ့ဗျ တဲ့
မိန်းကလေးတန်မဲ့
လက်ဆွဲကျီစယ်မယ့် ညည်းတောင်
ကြက်သီးဖြန်းဖြန်းထသွားရဲ့
မဟုတ်လား ...။

“ဆြာစတက်ဖို့ကရစ်ပ်”
သူခင်ဗျားအင်္ကျီ အိတ်ကြီးပြဲသွားအောင်
ဖောင်တိန်ကို ဆွဲလုလိုက်တာ
မအံသြပါနဲ့
၃၂ နှစ်နဲ့ သေခဲ့တာတောင်
ကျွန်တော်တို့ နှလုံးသားတွေကို
သူအခုထိ ဆွဲလုနေနိုင်တုန်း ...။

“ဦးဌေးမြိုင် (သို့) ဒဂုန်တာရာ”
(ဇွတ်ချစ်မယ်) ဆိုတဲ့
အချစ်သီချင်းအစား
စစ်ချီစစ်တက် သီချင်းတွေပဲ
သူကကြားချင်တယ်ဆို
တီးပေးလိုက်ပါဗျ
နှလုံးသား မရှိတာမဟုတ်ပါဘူး
နှလုံးသား ရှိလွန်းလို့ပါ ...။

“ဂျူဗလီဟော”
ကျေးဇူးပြုပြီး
ရွှေတိဂုံဘုရားလမ်းဘက်
လှည့်မထားပါနဲ့
ခင်ဗျားကိုမြင်တိုင်း
မျက်ရည်ဝဲရင်း အလေးပြုမိလို့ ...။

“ရဲဘော်ကလေးတွေ”
စိတ်မကောင်းမဖြစ်နဲ့
မင်းတို့ခေါင်းဆောင်ကြီးက
သူ့မင်္ဂလာဆောင်မှာ
တိုက်တွေ ကားတွေ
လက်မဖွဲ့လို့
စိတ်ဆိုးမယ့် လူစားလား
ငွေသော်တာရောင်ခြည် ဆိုတာ
အရိုးသားဆုံး အပြုံးနဲ့
ပျော်နေခဲ့တာလေ ...။

“ပြည်ထဲရေးဝန်ကြီး ဦးမြ”
ခင်ဗျား မှားတယ်
သူ့ရုံးခန်းရှေ့က တပ်စိတ်ကို
သူဘာပြောပြော
ပေကပ်ထားခဲ့ရမှာ
အခုတော့ ကျွန်တော်တို့မှာ
ပြောခွင့်မရှိတော့ ...။

“ကိုကျော့မောင်”
သူ့မင်္ဂလာဆောင်မှာ
ရွှေကြိုးသွားတားတော့
ဆွဲယူလွှင့်ပစ်လိုက်တာ
စိတ်မကောင်း မဖြစ်ပါနဲ့
သူအပင်ပန်းခံ သင်ယူခဲ့တဲ့
ပညာတွေထဲမှာ
အဲလို အပိုဆာဒါးတွေ မပါဘူး ...။

“မေမြို့”
ဝမ်းနည်းစိတ်ကို
ကျိတ်မှိတ်ထားတော့
နိုင်ငံရေးလောကက ထွက်ရင်
ခြံစိုက်မယ် စာရေးမယ် ဆိုတဲ့သူ
ကျည်ဆန် ၁၃ တောင့် စိုက်သွားပြီ
ရေးလို့မကုန်အောင်
ကျွန်တော်တို့ ရေးနေရပြီ ...။